ئەڤرۆ ل سەلاحەددین سەرۆك مەسعود بارزانی پێشوازی ل جنین پلاسخارت، هنارتییا تایبەت یا سكرتێرێ گشتییێ ڕێكخراوا نەتەوەیێن ئێكگرتی بۆ عیراقێ كر، كو ب هەلكەفتا دووماهی هاتنا كارێ وێ ل عیراقێ و بۆ خاترخاستنێ سەرەدانا سەرۆك بارزانی كر.
د دیدارێدا، دانوستاندن ل دۆر ڕەوشا دەڤەرێ و دووماهی پێشهات ل سەر ئاستێ عیراقێ و ناڤخۆ یا هەرێما كوردستانێ كر.
هەر د ئەڤێ دیدارێدا، سەرۆك بارزانی سوپاسییا كار و ماندیبوونا جنین پلاسخارتێ كر و پێزانین بۆ ڕۆلێ وێ یێ باش هەبوو كو ل دەمێ كاركرنێ ل عیراقدا ب مەرەما هاریكارییا سەقامگیرییێ ل عیراقێ و ئێك نێزیكبوونا لایەنان و چارەسەركرنا ئاریشەیان گێرایی و هەروەسا هیڤییا سەركەفتنێ بۆ خواست د كارێ وێ یێ نوی دا.
