مەسرور بارزانی: ئەم چاڤەڕێ سەرەدانا سەرۆككۆمارێ ئیرانێ بووین

ئەڤرۆ ڕۆژا سێشەمبی، 21-05-2024، مەسرور بارزانی، سەرۆکێ حکومەتا هەرێما کوردستانێ د لێدوانەكا ڕۆژنامەڤانیدا ڕاگەهاند،”ئەم چاڤەڕێ بووین پشتی چەند ڕۆژێن دی پێشوازییێ ل سەرۆككۆمارێ ئیرانێ بكەین بۆ هەولێرێ”.

دەقێ پەیاما مەسرور بارزانی؛

ب لێبورینڤە بۆ ئەڤ ڕویدانا دلگران، ئەم چاڤەڕێ بووین پشتی چەند ڕۆژێن دی پێشوازییێ ل سەرۆككۆمارێ ئیرانێ بكەین ل هەولێرێ، هەروەسا دا سەرەدانا عیراقێ ژی كەت، بەلێ ب لێبورینڤە بۆ ئەڤێ ڕۆیدانا دلتەزین كو بوویە ئەگەرێ گیان ژدەستدانا بەرێزان سەرۆككۆمار و وەزیرێ دەرڤە و وەلاتییان، كو گەلەك دلگران كرینە، هاتین بۆ هندێ هەڤخەم و پرس و سەرەخۆشییێن خۆ ب ڕێكا كونسۆلخانا كۆمارا ئیسلامییا ئیرانێ ئاراستەیی ڕێبەرایەتی و سەرۆكایەتی و حكومەت و گەلێ ئیرانێ بكەین، هیڤیدارین ئەڤە دووماهی نەخۆشییا گەلێ ئیرانێ بیت، هیڤیدارم ئەڤ ڕۆیدانە ببیتە ئەگەرەك بۆ هندێ گەل نێزیك ببن و ئەم هەمی بشێن پەیوەندییێن باشتر ل گەل ئێك دروست بكەین.
مەسرور بارزانی
سەرۆکێ حکومەتا هەرێما کوردستانێ