سعوودییێ‌ داخوازكرییه‌ تابلۆ ب زمانێ كوردی بۆ حه‌جیێن كوردستانێ بهێنه‌ دانان

رێڤه‌به‌رێ گشتییێ حه‌ج و عومرێ ل هه‌رێما كوردستانێ دیار كر: ب بزاڤێن‌ حكومه‌تا هه‌رێما كوردستانێ و پشتی پشكداریكرنا رێڤه‌به‌رێ گشتییێ حه‌ج و عومرێ ل هه‌رێما كوردستانێ “شێخ نیاز راغب نه‌قشبه‌ندی” د‌ كۆنفرانسێ جه‌ده دا‌ بۆ خزمه‌تگوزارییێن حه‌ج و عومرێ،  پێشنیارا زێده‌كرنا زمانێ كوردی ل جهێن‌ فه‌رمی بۆ وه‌زیرێ حه‌جێ و ده‌ستهه‌لاتدارێن سعوودی‌ كر.

گۆت ژی: هه‌ر ڤێ هه‌فتییێ ب مه‌ره‌ما كاركرنێ ل ‌سه‌ر ئه‌وێ پێشنیارێ وه‌زاره‌تا حه‌ج و عومرا سعوودیه‌ داخواز كرییه‌ كو ب زووترین ده‌م تابلۆیێن ده‌رگه‌هێ سنوورییێ عه‌ڕعه‌ڕ به زمانێ كوردی بۆ وان ره‌وانه‌ بكه‌ن و بۆ پێشوازیكرنێ ل حه‌جییان بهێته‌ دانان، ئه‌ڤه‌ جارا ئێكێ یه‌ د‌ مێژوویێ دا زمانێ كوردی ل‌ سعوودیه‌ ل جهێن‌ فه‌رمی بهێته‌ دانان.