<h2 style="text-align: justify;"><span style="font-size: 18pt;">سەرۆکێ لیژنا ڤەگەڕیانا ئاوارەیێن پارێزگەها سەلاحەددین ڕاگەهاند، 350 خێزانێن ئاوارەیێن دی ڤەگەڕیانە سەر جهـ و وارێن خۆ ل ناحیا یەسرب ل باشوورێ پارێزگەها سەلاحەددین.</span></h2> <h2 style="text-align: justify;"> <span style="font-size: 18pt;">مەنسور عوەید، سەرۆکێ لیژنا ڤەگەڕیانا ئاوارەیێن پارێزگەها سەلاحەددین د لێدوانەكێ دا بۆ ئاژانسا دەنگوباسێن فەرمی یا عیراقێ دیار كر، د بڕیارا حكومەتێ لدۆر ڤەگەڕاندنا ئاواران بۆ جهێن وان و داخستنا كەمپان ل 3 هەیڤا تەمموزێ، دیاربوویە كو خواستەكا مەزن ژلایێ ئاوارێن ئاكنجی ل كەمپێن هەرێمێ ڤە هەیە بۆ ڤەگەڕیانێ، د وی چارچووڤەی ژی دا 350 خێزانێن دی یێن ئاوارە ڤەگەڕیانە جهێن خۆ.</span></h2> <h2 style="text-align: justify;"> <span style="font-size: 18pt;">ئاشكەرا ژی كر، هەتا نوكە دوو هزار و 500 خێزان ڤەگەڕیاینە و دهێتە چاڤەڕێكرن ل حەفتییا بهێت ژی 400 خێزانێن ئاوارە ژ هەرێما كوردستانێ ڤەگەڕنە جهێن خۆ ل دەڤەرێن باشوورێ سەلاحەددین.</span></h2>
