<h2 style="text-align: justify;"><span style="font-size: 18pt;">وەزارەتا كارەبێ یا حكومەتا هەرێمێ ب نڤیسارەكا فەرمی گشتاندن بۆ جێبەجێكرنا بڕیارا جڤاتا وەزیران بۆ لێخۆشبوونا 20% یا قەرێن كارەبێ، دەركر.</span></h2> <h2 style="text-align: justify;"> <span style="font-size: 18pt;">ڕێڤەبەرییا گشتی یا دیوانا وەزارەتا كارەبێ ب نڤیسارا ژمارە 2602 ل 8/4/2024 گشتاندنەك ئاراستەی ڕێڤەبەرییێن گشتی یێن كارەبێ ل پارێزگەهـ و ئیدارێن سەربەخۆ یێن هەرێمێ كریە ب مەبەستا جێبەجێكرنا وێ بڕیارا جڤاتا وەزیران.</span></h2> <h2 style="text-align: justify;"> <span style="font-size: 18pt;">د گشتاندنێ دا ئاماژە هاتییەكرن، هەتا دەمێ ئاسایی بوونا ڕەوشا دارایی یا هەرێما کوردستانێ، ڕێژەیا لێخۆشبوونا %20 ل سەر هەڤپشكێن کارەبێ دێ یا بەردەوام بیت.</span></h2> <h2 style="text-align: justify;"> <span style="font-size: 18pt;">ڕۆژا 27 ئادارا 2024 مەسرور بارزانی، سەرۆکێ حکومەتا هەرێمێ چەند بڕیارەك د بەرژەوەندییا خەلکێ کوردستانێ دا دەركرن كو ئێك ژ وان ژی لێخۆشبوونا 20% یا قەرێن كۆمبووی یێن كارەبێ بوو.</span></h2>
