<h2>ل زانكۆیا دهۆكێ ڕێورەسمەك بۆ هەلكەڤتا 10 سالییا دامەزراندنا ( پەیمانگەها چارەسەرییا دەروونی و تراما) هاتە گێران، ژمارەكا بەرچاڤ یا ئێزدییان و مێڤانێن ناڤخۆ و بیانی تێدا ئامادەبوون.</h2> <h2> دڕێورەسمیدا گوتارا نێچیرڤان بارزانی، سەرۆكێ هەرێما كوردستانێ هاتە پێشكێشكرن، كو ژلایێ دلشا شەهاب، هاریكارێ سەرۆكێ هەرێما كوردستانێ هاتە خواندن.</h2> <h2> د گوتارێدا نێچیرڤان بارزانی ڕاگەهاند، گەلێ كوردستانێ و عیراقێ سالێن درێژ یێن شەڕی و نەهامەتییان بووراندن و جینۆسایدا دەستێ داعشێ دژی ئێزدییان ئێك بوو ژ دڕندەترین كارەساتان، دووپات ژی كر، كارتێكرنا ئەوان نەهامەتییان ب تنێ ب دووماهی ئینانا شەڕی و ڤەگەڕاندنا خەلكی بۆ جهێن وان ب دووماهی ناهێت، بەلكو پێدڤی ب دەمی و چاڤدێرییێ یە بۆ هندێ برینێن وان یێن دەروونی چارەسەرببن.</h2> <h2> سەبارەت ڕەوشا ئێزدییا، سەرۆكێ هەرێما كوردستانێ دووپاتكر، ئەو دێ هەردەم هاریكار و پشتەڤانێن تماما مافێن وەلاتییێن ئێزدی بن، هەر كار و پلانەك بۆ چارەسەركرنا ئاریشەیێن وان ل شنگالێ و هەر جهەكێ دی، دڤێت ل دووڤ داخوازی و بەرژەوەندییێن وان بن، ئەركێ وایە كو ئەو كەسێن تووشی ئەڤان كارەساتان بووین ب تنێ نەهێلن، دڤێت هاریكارییا وان بكەن داكو ژیان، باوەری و هیڤی ب پاشەرۆژەكا گەشتر بۆ ڤەگەرن.</h2>
