وەزیرێ چاندنا ئوردنێ دێ سەره‌دانا ھەرێما كوردستانێ كه‌ت

ئاژانسا خانی:

رێڤەبەرا گشتییا پلاندانانێ ل وەزارەتا چاندنێ یا ھەرێما کوردستانێ دیار كر: وه‌سا بریاره‌ ل ناڤه‌راساتا هه‌یڤا گولانا ئه‌ڤ ساله‌” وەزیرێ چاندنا ئوردنێ سەره‌دانا ھەرێما کوردستانێ بکه‌ت و د وێ سه‌ره‌دانێ دا بریاره‌ یاداشته‌كا لێکتێگەهشتنێ دناڤبه‌را حكومه‌تا ھەرێمێ و وه‌زاره‌‌تا چاندنا ئوردنێ دا بهێته‌ کرن ب مه‌ره‌ما ھنارتنا بەرھەمێ ناڤخۆیێ کوردستانێ بۆ وی وه‌لاتی و پێگه‌هاندنا كادرێن چاندنێیه‌ دناڤبه‌را هه‌ردو ئالییان دا و ئه‌ڤه‌ ئێكه‌مین جاره‌ ئه‌ڤ گاڤه‌ دهێته‌ هاڤێتن و بۆ وه‌زاره‌تا چاندنا هه‌رێمێ كاره‌كێ گرنگه‌.

د. زێدا محەمەد، زێده‌تر بۆ ئاژانسا خانی گۆت: تیمه‌ك ل نڤێسینگەها سەرۆکێ حکومەتا ھەرێما کوردستانێ هه‌یه‌ بۆ ھنارتنا بەرھەمێن ناڤخۆ بۆ بازاڕێن دەرڤە، مه‌ دڤێت وه‌كو سالا بوری” د ئه‌ڤ ساله‌ ژی دا بەرھەمێن ناڤخۆ ڤرێكه‌ینه‌ بازارێن جیھانی و ئەو بەرھەمێن ئه‌م ڤرێدكه‌ین پتر لێ بكه‌ین.

ناڤهاتییێ گۆت ژی: ئه‌ڤ ساله‌ كار ل سەر هندێ دهێت كرن”كو بەرھەمێ ئاژەلان رەوانەیی وه‌لاتێ ئوردنێ بکەین”، دیسان وه‌سا بڕیارە یاداشته‌كا لێکتێگەهشتنێ دناڤبه‌را ھەرێما کوردستانێ و وەزارەتا چاندنا ئوردنێ بهێته‌ ئیمزاكرن و ب مه‌ره‌ما ھنارتنا بەرھەمێ ئاژه‌لێن ھەرێما کوردستانێ بۆ وی وه‌لاتی” ئەگەر چ ئاریشه‌ نه‌هێنه‌ پێش و ئه‌و سه‌ره‌دانه‌ بهێته‌ ئه‌نجامدان، ھه‌رێما كوردستانێ ئه‌ڤ ساله‌ دێ به‌رهه‌مێ مریشك و هێكان ژی ره‌وانه‌یی وه‌لاتێ ئوردنێ كه‌ت.