پشتی کو ئەندامەکێ جڤاتا نوونەرێن عیراقێ داخوازا قەرەبووکرنا خەلکێ زیانڤێککەڤتییێن لەهییێن باژێرێ دهۆکێ و ئیدارا سەربەخۆ یا زاخۆ کری، جڤاتا نوونەرێن عیراقێ ڕازەمەندی ل سەر قەرەبووکرنا زیانڤێکەڤتیان دیارکر.
خالد ڕێکانی، ئەندامێ جڤاتا نوونەرێن عیراقێ بۆ ئاژانسا خانی گۆت:”پشتی بارینا بارانێن زۆر و ڕابوونا لەهیان ل باژێرێ دهۆکێ و ئیدارا سەربەخۆ یا زاخۆ، مە ب نڤیسارەکا فەرمی داخواز ژ محەمەد شیاع سوودانی، سەرۆکوەزیرێن عیراقێ کر کو ل گۆرەی ماددەیێ 2 ژ بڕگا 3 یا قانوونا ژمارە 13 یا سالا 2023 ژ یاسایا بودجەیا گشتی بۆ سالێن 2023-2024-2025 کو کۆژمێ 500 ملیار دینارێن عیراقی بۆ ڤان جۆرە حالەتێن نەخواستی و کارەساتێن سروشتی هاتینە تەرخانکرن، قەرەبوویا زیانڤێکەڤتییێن باژێرێ دهۆکێ و ئیدارا سەربەخۆ یا زاخۆ یێن کو بەر لەهییان کەڤتین بهێتە کرن.
ڕێکانی گۆتژی:”ب خۆشحالیڤە هەر زووی ڕازەمەندی ل سەر داخوازیا مە هاتە دیارکرن ژ بۆ قەرەبووکرنا زەرەرمەندان و ب تنێ مایە کو ئەم قەبارەیێ زەرەر و زیانان بۆ جڤاتا وەزیرێن عیراقێ بهنێرین کو د نوکە دا کارێ تەخمینکترنێ بۆ دهێتە ئەنجامدان.”
