سه‌رۆكایه‌تییا هه‌رێما كوردستانێ ب تۆندى ئیدانه‌یا ئه‌وان هێرشێن تیرۆرستى كر، یێن باره‌گایێن هێزێن پێشمه‌رگه‌ى ل سنۆرێ هه‌ولێرێ كرینه ئارمانج، ئاماژه ب هندێ ژى دا، ب ئارمانجكرنا هێزێن پێشمه‌رگه‌ى، پێشهاته‌كا مه‌ترسیداره.
سه‌رۆكایه‌تییا هه‌رێما كوردستانێ دڕاگه‌هاندنه‌كێدا ب تۆندى ئیدانه‌یا ئه‌وان هێرشێن تیرۆرستى كر، یێن ل شه‌ڤا بوورى ب درۆنان باره‌گایێن هێزێن پێشمه‌رگه‌ى ل سنۆرێ پارێزگه‌ها هه‌ولێرێ كرینه ئارمانج.
دڕاگه‌هاندنێدا هاتییه، پێشمه‌رگه هێزه‌كا فه‌رمییه و پشكه‌كه ژ سیسته‌مێ به‌رگرییا عیراقا فیدرال، هێرشكرن ل سه‌ر پێشمه‌رگه‌ى، پێشهاته‌كا مه‌ترسیدار و ڕه‌تكرییه و گه‌فان ل ئارامى و سه‌قامگێرییا عیراقێ دكه‌ت.
سه‌رۆكایه‌تییا هه‌رێما كوردستانێ ئاماژه ب هندێ كر، به‌رده‌وامییا هێرشێن درۆنى بۆ سه‌ر هه‌رێما كوردستانێ ب تنێ زیانێ دگه‌هینته ئارامى و سه‌قامگێرییا عیراقێ و ڕه‌وشێ ئالۆزتر لێ دكه‌ت.
