سه‌رۆكێ حكومه‌تێ پێشوازى ل شانده‌كێ كاكه‌یى كر

مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل كه‌سایه‌تییێ ئایینییێ به‌رنیاسێ كاكه‌ییان سه‌ید ره‌حیم سه‌ید عه‌زیم و شاندێ دگه‌لدا كر.

د دیداره‌كێدا ڕه‌وشا خووشك و برایێن كاكه‌یى ب تایبه‌ت یێن ژ ده‌ڤه‌رێن ده‌رڤه‌ى ئیداره‌یا حكومه‌تا هه‌رێمێ گوتوبێژكر، دووپاتى ل گرنگییا پاراستنا مافێن كاكه‌ییان و پێشڤه‌برنا ته‌بایى و پێكڤه‌ژیانا ئاشتییان دناڤبه‌را هه‌موو پێكهاته‌یێن هه‌رێما كوردستانێ و عیراقێدا هاته‌ كرن.