مه‌سرور بارزانى بریاره‌ك د به‌رژه‌وه‌ندییا هه‌موو سێ یه‌كه‌مێن نه‌دامه‌زراندیدا ده‌ركر

په‌یڤدارێ حكومەتا هەرێما كوردستانێ راگه‌هاند، سەروكێ حكومەتا هەرێما كوردستانێ رەزامەندی  لسەر لێخوشبوونا ب رێژه‌یا 100%ێ یا كرێیا خواندنێ یا هه‌موو وان سێ یەكەمێن نە دامەزراندى ده‌ركر یێن كو ل خواندنا ماستەرێ بۆ سالا خواندنێ 2023 _2024 هاتینە وەرگرتن.

پێشەوا هەورەمانی په‌یڤدارێ حكومەتا هەرێما كوردستانێ راگەهاندنەك بەلاڤكر و گوت : مەسرور بارزانی سەروكێ حكومەتا هەرێما كوردستانێ رەزامەندی ل سەر لێخوشبوونێ ب رێژه‌یا 100%ێ یا كرێیا خواندنێ بۆ هه‌مو وان سێ یەكەمێن نه‌دامه‌زراندى  ده‌ركر، یێن كو ل خواندنا ماستەرێ بو سالا خواندنێ 2023_ 2024 هاتینە وەرگرتن.

دیار ژى كر، ئەڤەژی پشتی وێ چەندێ هات كو پشكەك ژوان دبەرێ دا لێخوشبوون ژكرێیا خواندنێ ب رێژه‌یا 100%ێ بۆ هاتبوو كرن، لەوما داخوازی ژلایێ سەروكێ حكومەتێ ڤە هاتنە وەرگرتن ونوكە هاتە بجهئینان.