دەستەیا گشتیتی یا دەڤەرێن کوردستانی: پێدڤە بکۆژێن شەهید هاوکاری بهێنە دادگەهێکرن

دەستەیا گشتی یا دەڤەرێن کوردستانی د ڕاگەهاندنەکێدا دەربارەی ڕەوشا کەرکووکێ داخواز دکەت بلەز ڕەوش بهێتە هێمن کرن  و ئەو لایەنێن بۆ چەندین ڕۆژانە ڕەوشا باژێری تێکدای و بکوژێن شەهید هاوکاری ژی بەرهەنگاری یاسایێ بهێنە کرن.

رۆژا شەمبی 2 ئەیلولا 2023، دەستەیا گشت یا دەڤەرێن کوردستانێ ڕاگەهاندیە، “ب دلگارنیڤە جارەکا دی ژ ئەگەرێ سیاسەتا جوداکاری کەرکووک دێ بیتە گۆرەپانا ململانێیەکا نە هەڤسەنگ و ئاسایش و ئارامییا باژێری دێ تێکدەن، ئەڤ سیاسەتا هەژمونگەری یا چەند لایەن و هێزێن ب ناڤێ پێکهاتەیا عەرەبی و ب بهانەیێن جودا ل دژی کەرکووکیان پەیرەو دکەن دێ ڕەوشا باژێری زێدەتر ئالۆز کەن و ئەوێ باوەری و برایەتیا کێم یا کو هەیی ژی دێ ژناڤ بەت.”

د ڕاگەهاندنا خۆ دا دەستەیا گشتیتی یا دەڤەرێن کوردستانی ئاماژە کریە:” ئالۆزییێن ئێڤاریا ئەڤرۆ جارەکا دی دەرئەنجام ب کێم بینییا کورد و بزاڤا فەرزکرنا هەژمون و لایەنەکی یە لسەر لایەنەکێ ڕەسەن یێ پێکهاتەیێ باژێری، د مخابنیڤە سیاسەتا داگیرکرنا جاددەیێن گشتی دناڤ جەرگێ تاخێن کوردی دا درێژکرنا هەمان سیاسەتا هەژمونگەرییە و هەر جار ب بهانەیەکی ئەنجام ددەن.”

دەستەیا گشتیتی یا دەڤەرێن کوردستانی ڕاگەهاندیە، هەمی هێزەکا نیشتمانی ل گۆرەی دەستووری مافێ ڤەکرنا بارەگا و سیاسەتکرنێ هەیە و ڕێگری ل ڤەکرنا بارەگایان ژی ل دژی دەستوووری یە، داخواز ژی دکەین هندی زوترە لەز بهێتە کرن بۆ ئارامکرنا ڕەوشێ و ئەو لایەنێن بۆ دەمێ چەند ڕۆژایە ڕەوشا باژێڕی تێکدای، بەرهەنگاری یاسایێ بهێنە کرن.”

هەڤدەم دەستە ب پێدڤی دزانیت حکومەتا عیراقێ هەڤسەنگییێ د ڕێڤەبرنا باژێرێ کەرکووکێدا بجهبینیت و چ پێکهاتەیەکێ ل پشتگۆهـ نە هاڤێژیت، هەروەسا داخواز ژی دکەت  دەستهەلاتا لۆکالی یا کەرکووکێ ب زووترین دەم  لژنەیەکێ لسەر ب نە حەق شەهیدکرنا هاوکار عەبدوڵڵا، دروستبکەت و ئەنجامدەران بەرهەنگاری دادگەهێ بکەن.