کاڤین شێخ سەعید: ئەگەر ئێکەتییێ شییان هه‌بن دێ ھەولێر و دھۆکێ ژی فرۆشیت

ئاژانسا خانی” تایبەت:

پەرلەمانتارەکا پارتی ئاشکرا کر، جۆداکرنا سلێمانییێ ژ ھەرێما کوردستانێ بەرۆڤاژی دستوورێ عێراقێیە و دبێژیت، ئەگەر ئێکەتیێ شیان ھەبن دێ ھەولێر و دھۆکێ ژی ب بھایەکێ کێم فرۆشیت.

کاڤین شێخ سەعید، پەرلەمانتارا فڕاکسیۆنا پارتی ل پەرلەمانێ عێراقێ بۆ ئاژانسا خانی دیارکر” جۆداکرنا پارێزگەھا سلێمانییێ ژ ھەرێما کوردستانێ پیلانا ئێکەتیێ بوو ل دژی ھەرێما کوردستانێ و ئەز گازندا ل ئێکەتییێ و نەوەی نوێ ناکەم، بەلێ گازندا من ژ وی خەلکییە یێ دەمێ ھەلبژارتنان دەنگدایە ئێکەتییێ و نەوەی نوێ، کو بوویە ئەگەرێ ب ھێزکرنا وان و ئەڤرۆ شییان سلێمانییێ بفرۆشن، ئەگەر ئێکەتییێ شیان ھەبن دێ ھەولێر و دھۆکێ ژی ب بھایەکێ کێم فرۆشیت.

ناڤهاتییێ گۆت ژی” ئەو بڕگا ھاتییە زێدەکرن دناڤا پڕۆژە قانوونا بودجەیی لدۆر سەرەدەرییا بەغدا دگەل سلێمانییێ بەرۆڤاژی دستوورێ عێراقێیە و پێدڤییە خەلکێ کوردستانێ رازینەبیت یاری ب خوینا شەھیدان و قوربانیێن مللەتێ بھێتە کرن، چونکی پارێزگەھا سلێمانییێ مولکێ ئێکەتییێ نینە ھەتا رادەستی بەغدا بکەت و ھەر دەمێ بخوازیت رادەستی کەسەکی بکەت.