<h3 style="text-align: justify;"><span style="font-size: 18pt;"><strong>بەری دەمەکێ کێم کۆمبوونا چوارچووڤێ هەماهەنگییێ دگەل سەرۆکوەزیرێن عیراقێ ب دوماهیک هات، چوارچووڤێ هەماهەنگییێ د کۆمبوونێ دا ب محەمەد شیاع سوودانی سەرۆکوەزیرێن عیراقێ ڕاگەهاندیە، سوبەهی دێ پشکداریێ د کۆمبوونا جڤاتا نوونەرێن عیراقێ دا کەن و دێ دەنگی ب پەسەندکرنا پرۆژە یاسایا بودجەیا گشتی یا عیراقێ دەن.</strong></span></h3> <h3 style="text-align: justify;"><span style="font-size: 18pt;">ئەڤ شەڤە 7 خزیرانا 2023، سەرکردەیێن لایەنێن چوارچووڤێ هەماهەنگییێ ب ئامادەبوونا محەمەد شیاع سوودانێ، سەرۆکوەزیرێن عیراقێ ل مالا هادی عامری ل بەغدا کۆمبوون و دوماهی گۆتوبێژ دەربارەی پڕۆژە یاسایا بودجەیا گشتی یا عیراقێ کرن.</span></h3> <h3 style="text-align: justify;"><span style="font-size: 18pt;">ل گۆرەی زانیاریان، پشتی کۆمبوونەکێ بۆ دەمەکێ درێژ ڤەکێشای، سەرکردەیێن لایەنێن چوارچووڤێ هەماهەنگییێ ل سەر پشکداریکرنێ د ڕوونشتنا جڤاتا نوونەرێن عیراقێدا و دەنگدانێ بۆ پەسەندکرنا پڕۆژە یاسایا بودجەیا گشتی ڕێککەفتن.</span></h3> <h3 style="text-align: justify;"><span style="font-size: 18pt;">پێشتر سەرۆکایەتیا جڤاتا نوونەرێن عیراقێ ڕاگەهاندبوو، رۆژا پێنجشەمبی 8 خزیرانا 2023، دێ دەنگدان بۆ پەسەندکرنا پڕۆژە یاسایا بودجێ هێتە کرن.</span></h3>
