د کۆنگرەکێ ڕۆژنامەڤانیدا، د. فەرهاد تەوفیق، پەیڤدارێ پارتا سۆسیال دیموکراتی کوردستان، د نووترین هەلویستێ حزبا خۆ دا ل سەر ئاریشەیا بارەگەیا وان ل دەڤەرا تەکێ دیارکر و راگەهاند، ئەڤ بارەگایە ژ سالا 1991ــێ و پشتی سەرهلدانێ ژ رژێما بەعس هاتبوو وەرگرتن و د دەستێ وان دابوو، بێی کو د ئەڤی دەمێ درێژ دا چ بەربەست هەبن.
پەیڤدارێ پارتا سۆسیال دیموکرات دووپاتی ل سەر ئەڤان خالان کر:
*دلگرانین ژ هەلویستێ دۆستان، جهێ دلگەرانییێ یە پەرچەکردار ژ لایێ دۆست و لایەنێن کوردی ڤە دهێنە کرن، د دەمەکیدا سەرۆکێ حزبێ (کاك حەمە) بخۆ و مالباتا خۆ گیان و خوینا خۆ کرییە مەرتال ژ بۆ پاراستنا ئەڤێ ئاخێ و نیشتمانی.
*نەیا بەرعاقلە کەس خۆ ب میراتگرێ بەعس بزانیت دا کو ب تنێ بڕیارێ ل سەر وەرگرتنا بارەگەیا وان بدەت، یان بگوهۆڕیت بۆ دەرکرنا بڕیارا دەستەسەرکرنێ بۆ سەرۆکێ حزبێ کو ئێکە ژ ڕەمزێن شۆڕش و کوردایەتییێ.
ل دووماهییێ د. فەرهاد تەوفیق هیڤی خواست ئەڤ ئاریشەیە ژ خەلەت تگەهشتنێ بیت و ب زۆی بەرسڤا یاسایی و کارگێڕی یا دروست بۆ هەموو لایەنان ب ڕەنگەکێ یەکسان بهێتە دان.
