ل دهۆكێ گومانلێكرییه‌كێ ب تایا خوینبەربوونێ گیانێ خۆ ژ ده‌ستدا

ئاژانسا خانی” زنا رتۆڤی:

د. ئه‌فراسیاب موسا ” رێڤه‌به‌رێ گشتییێ ساخله‌مییێ ل پارێزگه‌ها دهۆكێ” بۆ ئاژانسا خانی دیار كر: ئەڤرۆ سێشه‌مبی” گەنجه‌كێ د ژییێ 27 سالیێ دا ل نەخۆشخانا ئازادی ل پارێزگه‌ها دهۆكێ وه‌غه‌ر كرییه‌” كو نیشانێن تایا خوینبه‌ربوونێ ل وی كه‌سی هه‌بوون” ئه‌و كه‌سه‌ خه‌لكێ ناحییا باشیکێیه‌ یا سەر ب پارێزگه‌ها نه‌ینه‌وا ڤه‌ و وی كه‌سی چێل بخۆدان دكرن و نه‌ خه‌لكێ دهۆكێ بوویه و ل ده‌مژمێر 11 سپێده‌هییا ئه‌ڤرۆ سێشه‌مبی ل نه‌خۆشخانێ وه‌غه‌ر كرییه‌‌” هه‌روه‌سا هەمان نیشان ل ده‌ف هه‌ڤژینا وی ژی دەرکەفتینه‌، بەلێ ره‌وشا هه‌ڤژینا وی یا باشه‌ و ل گەل تەرمێ هه‌ڤژینێ خۆ ڤه‌گه‌ریایه‌ڤه‌ باشیكێ.

 ناڤهاتی گۆت ژی: ئه‌ڤ نه‌خۆشییه‌ ل پارێزگه‌ها نه‌ینه‌وا په‌یدا بوویه” مه‌ ئه‌ڤرۆكه‌ پشكنیینا وی ( پی سی ئار) ێ ڤرێكرییه‌ به‌غدا و ئه‌م ل هیڤییا ئه‌نجاماینه‌” كانێ دێ چ ژ پشكنینا وی ده‌ركه‌ڤیت و‌ هه‌تا نوكه‌ پشكنینا وی ژ به‌غدا نه‌زڤرییه‌” دیسان گۆت ژی: هه‌تا نوكه‌ تایا خوینبه‌بوونێ ل پاریزگه‌ها دهۆكێ په‌یدا نه‌بوویه‌.