گه‌شتییارناس عه‌بدولرزاق نهێلی” بۆ ئاژانسا خانی دیار كر: ئەركە ل سەر حكومەتێ رێكخستنەكێ په‌یدا بكه‌ت بۆ ب ساناهیكرن و پێرابوونێن هاتنا گەشتییاران بۆ جهێن گوزاری بریكێن ب ساناهی و بێی زه‌حمه‌تدانا گەشتییاران و دەمێن باش بۆ وان پەیدا بكەت” داكو ئه‌و ژی ده‌مێن خۆش ژ گه‌شتا خۆ ب بینن” هه‌روه‌سا كاركرن ل سەر گەشەپێدان و هاندانا وه‌لاتییان ل سەر چاوانییا رێزگرتنێ ل گەشتییاران و نیشاندان و رۆهنكرنا رولێ كەرتێ گەشتوگوزاری بۆ گەشەكرنا ئابوورێ وەلاتێ مه.
ناڤهاتی گۆت ژی: پێدڤییه حكومه‌ت وه‌لاتییان هانبده‌ت ل سەر پێشخستنا كەرتێ گەشتوگوزاری و بزاڤێن گه‌شتییاری یێن جۆدا و دەرێخستنا قانوونێن گونجایی و سەردەم داكو گەشتییار ب چ رەنگان نەهێنە قورغكرن و ب بهایێن گران خزمەتا وی بهێتە كرن ” هه‌روه‌سا ئاسانكاری و دابینكرنا دەلیڤێن كاری د كەرتێ گەشتییاری دا بهێنه كرن” داكو ببیتە هاندەر بۆ وه‌لاتییان” كو كەرتەكێ زیندی و گرنگە بۆ خه‌لكێ كوردستانێ” دیسان كاركرن ل سەر باشتركرنا رێك و رێباران و ئالاڤێن سەردەم یێن ڤەگۆهاستنێ بۆ گه‌شتییاران ” ل گه‌ل پاراستنا جوانییا سرۆشتی ب ره‌نگه‌كێ گشتی ل هه‌موو جهان.
عه‌بدولرزاق هیشتا دبێژیت: پێدڤییه پشتەڤانی و هاریكارییا وەبەرهێنەر و سەرمایەداران بهێته كرن” داكو وه‌بەرهێنانانێ د كەرتێ گەشتوگوزاری دا بكەن ” هه‌روه‌سا گرنگیدان ب ئەكادیمیبوونا كەرتێ گەشتوگوزارێ ل ناڤەندێن خواندنێ لدووڤ شارستانییا جۆرییا گەشتیاری و هۆتێلگێری و گوزاری ” ل گه‌ل دابینكرنا پاراستن وئارامی و ئازادییا گەشتیاران ل هەر جهێ ئه‌و بچنێ.
