ل هه‌یڤا بهێت بودجه‌یێ عێراقێ دێ هێته‌ په‌سه‌ند كرن

 ئاژانسا خانی:

خالد رێكانی” ئه‌ندامێ جڤاتا نوونه‌رێن عیراقێ” بۆ ئاژانسا خانی دیار كر: خواندنێ و ئێكێ و دووێ بۆ پرۆژه‌ قانوونا بودجه‌یێ گشتی یێ عیراقێ هاتییه‌ كرن” ب تنێ ده‌نگدانا په‌رله‌مانتاران مایه‌ و ل حه‌فتییا بهێت كۆمبوونا جڤاتا نوونه‌ران دێ ده‌ستپێكه‌ت و د برگه‌یا ئێكێ یا روونشتنا جڤاتا نوونه‌ران دا” دێ ده‌نگدان ل سه‌ر پرۆژه‌ قانوونا بودجه‌یێ گشتی یێ عێراقێ هێته‌ كرن.

ناڤهاتی گۆت ژی: ده‌مێ پرۆژه‌ قانوونا بودجه‌یی دهێته‌ په‌سه‌ند كرن” ئێكسه‌ر بودجه‌ بۆ سالا 2023 ێ دێ هێته‌ مه‌زاختن و ئه‌م ب هیڤینه‌ كو ل حه‌فتییا بهێت بودجه‌ بهێته‌ په‌سه‌ند كرن و پشكا هه‌رێما كوردستانێ ژی 12.67% ێ یه‌” هه‌ر چه‌نده‌ هنده‌ك ئالی یێن سییاسی دڤییا پشكا هه‌رێما كوردستانێ بهێته‌ كێمكرن” به‌لێ ئه‌و پلانا وان سه‌رنه‌گرت و بودجه‌ دێ وه‌كو خۆ هێته‌ په‌سه‌ند كرن و مه‌زاختن.