ل پارێزگه‌ها دهۆكێ دێ ده‌ست ب ئه‌لكترۆنیكرنا فۆرمێن ئاهێن خوارنێ هێته‌ كرن

ئاژانسا خانی:

پشتی بریارا حکومەتا عێراقێ بۆ هندێ فۆرمێن ئاهێن خوارنێ بهێنه‌ ئەلیکترۆنی كرن، ل سەر ئاستێ عێراقێ پارێزگه‌ها دهۆکێ وەکو پارێزگه‌ها دووێ هاتییه‌ دیار کرن کو فۆرما ئاهێن خوارنێ لێ بهێته‌ ئەلکترۆنی کرن، بۆ وێ مه‌ره‌مێ ژی پینگاڤێن کریاری هاڤێتن بۆ هندێ وێ پرۆسێ دەستپێکرییە و خولێن ڕاهێنانێ بۆ کارمەندێن وی پرۆسێ ڤه‌كرینه‌.

مللەت عسمەت، سکرتێرێ ڕۆژنامەڤانی یێ پارێزگه‌ها دهۆکێ” بۆ ئاژانسا خانی دیار كر: پشتی پارێزگه‌ها نەجەف، دهۆک پارێزگه‌ها دووێ یه‌ ل  سەر ئاستێ عێراقێ فۆرما ئاهێن خوارنێ لێ دهێته‌ ئەلکترۆنی كرن و نوكه‌ خولێن ڕاهێنانێ بۆ کارمەندێن وێ پرۆسێ هاتینه‌ ڤه‌كرن و پشتی تەمامبوونا وێ خولێ دێ دەست ب گاڤێن کریاری هێنه‌ كرن.

ناڤهاتی گۆت ژی: ل حه‌فتییا بوری شانده‌كێ وەزارەتا بازرگانییا عێراقێ سەره‌دانا پارێزگه‌ها دهۆکێ کرییه‌ بۆ وێ مه‌ره‌مێ و ل گەل پارێزگارێ دهۆكێ کۆمبووینه‌ بۆ هندێ پرۆسا ب ئەلیکترۆنیکرنا فۆرمێن ئاهێن خوارنێ ل پارێزگه‌ها دهۆکێ ژی دەستپێ بکه‌ت.”