ئەڤرۆ چارشەمبی 05-04-2023، ، ب پێداگرییا سەرۆكاتییا هەرێما كوردستانێ و حكومەتا هەرێما كوردستانێ” د. خەلەف شنگالی وەكو شیره‌تكارێ سوودانی دەست بكاربوو و رێككەفتن هاتییه كرن كو پشكدارییێ د هەموو كۆمبوونێن جڤاتا وەزیران دا بكه‌ت بۆ نوونەراتیكرنا کوردێن ئێزدی.
لدووڤ گۆتنا د خه‌له‌فی بریاربوو، “وەزارەته‌كا تایبەت ب ئێزدییان بهێته دان، بەلێ ئه‌و چه‌نده نه‌هاته كرن، له‌وما سەركرداتییا سیاسییا كوردستانێ پێداگریكر كو دڤێت شیره‌تكارێ كاروبارێن كوردێن ئێزدی ل هەموو كۆمبوونێن جڤاتا وەزیرێن عێراق پشكدار بیت.”
د. خەلەف شنگالی گۆت ژی، “سوپاسییا سەرۆك بارزانی و سەرۆكێ هەرێما كوردستانێ و سەرۆكێ حكومەتێ و میرێ ئێزدییان دكەم كو بەردەوامبوون ل سه‌ر وێ داخوازییێ هه‌تاكو ئەو پۆستە ب كوردێن ئێزدی بهێته دان و تایبەتمەندییا هندێ ژێ پێ بهێته دان، كو ل هەموو كۆمبوونان ئامادە بیت.
