نیچیرڤان بارزانی سەرۆکێ هەرێما کوردستانێ پەیامەک ل دۆر ڕێکەڤنا هەولێر و بەغدایێ بەلاڤکر و ڕاگەهاند هیڤیدارین ڕێکەڤتن وەکی خوە بهێتە بجهئینان.
دەقێ پەیاما سەرۆکێ هەرێما کوردستانێ
ب خۆشحاڵيڤە پێشوازییێ ل ڕێكەڤتنا ئه‌ڤرۆ یا ناڤبەرا حكوومه‌تا فيدراڵيیا عێراقێ و حكوومه‌تا هه‌رێما كوردستانێ دكه‌م بۆ ده‌ستپێكرنا هنارتنا پەتڕۆلا هه‌رێما كوردستانێ.
پەسنا ڕۆڵێ به‌ڕێزان سه‌رۆك وه‌زيرێن عێراقا فيدراڵ و سه‌رۆك وه‌زيرێن هه‌رێما كوردستانێ دكه‌م كو ب گيانەکێ ئه‌رێنى بۆ چاره‌سه‌رییێ، شیان بگه‌هنه لێكگه‌هشتن و ڕێكه‌ڤتن، ده‌ستخۆشييێ ل وان دكه‌م.
سوپاس و پێزانين بۆ تيمێن هه‌ردوولا كو دانوستاندنەکا سه‌ركه‌ڤتی ب ڕێڤە بر و ئه‌ڤ ڕێكەڤتنە ژێ پەیدابوو. هيڤیدارین وه‌كی خوە بهێتە بجهئینان و ببیته ده‌ستپێكا چاره‌سه‌ركرنا ئاریشەیێن دی ژی.
دووپات دکەین هه‌رێما كوردستانێ وه‌ك هه‌ردەم ئاماده‌يه بۆ چاره‌سه‌ریێ ب دانوستاندن و لێكگه‌هشتنێ ل سەر بنه‌مایێ ده‌ستووری كو د به‌رژه‌وه‌نديیا عێراقێ هەمییێ دايه و دێ بیته ئەگەرێ سه‌قامگيريیا سياسى و ئابووريیا وڵاتی.
