وه‌زیرێ ساخله‌مییێ: ژ چارچووڤێ چاكسازییێن كابینه‌یا نه‌هێ یا حكومه‌تێ، مه‌ بهایێ ده‌رمانان داشكاند

وه‌زیرێ ساخله‌مییێ ل حكومه‌تا هه‌رێما كوردستانێ راگه‌هاند، ژ چارچووڤێ چاكسازییێن كابینه‌یا نه‌هێ یا حكومه‌تا هه‌رێما كوردستانێ، دووڤچوون بۆ كوالیتییا ده‌رمانان هاته‌كرن، و د دووماهیك پێنگاڤ ژى دا بهایێ ده‌رمانان هاتییه‌ داشكاندن.

د. سامان به‌رزجى وه‌زیرێ ساخله‌مییێ ل حكومه‌تا هه‌رێما كوردستانێ پشتى كۆمبوونا دگه‌ل كۆمپانى و كوگه‌هێن ده‌رمانان ل كوردستانێ د پرێسكۆنفرانسه‌كیدا دیاركر، نوكه‌ وه‌زاره‌تا ساخله‌مییێ یا حكومه‌تا هه‌رێما كوردستانێ ب هه‌ماهه‌نگى دگه‌ل ئاسایشا گشتى و داواكارێ گشتییێ هه‌رێما كوردستانێ، دووڤچوونێ بۆ ده‌رمانێن سه‌خته‌ دكه‌ت، هه‌روه‌سا جۆرێ ده‌رمانێن نه‌گۆنجاى ژى ستیكه‌رێ كۆالتیییا كۆنترۆلێ ل سه‌ر دانایه‌، داكو خه‌لك بزانیت بهایێ وى چه‌نده‌ و چه‌وا دهێته‌ بكارئینان.

ئه‌وژى دیاركر، نوكه‌ پرۆسه‌یا چاكسازییا ده‌رمانان یا به‌رده‌وامه‌ و ل ده‌مێن بوورى، هه‌ر ده‌رمانه‌كێ نه‌گونجاى بوویه‌ ده‌ست بسه‌ردا هاتییه‌ گرتن، ژبلى هندێ ژى ئینانا ده‌رمانان ب رێكێن نه‌قانوونى هه‌تا كێمترین ئاست كێم بوویه‌.