كۆنفرانسێ عێراقێ بۆ سه‌قایی ب مه‌ره‌ما ڤه‌دیتنا چاره‌سه‌رییێ و به‌رهنگاربوونا گوهۆرینێن سه‌قایی ل عێراقێ ب پشكدارییا وه‌لاتێن نێڤده‌وڵه‌تی و هه‌رێمی و حكومی ل پارێزگه‌ها به‌سره بۆ ماوێ دو رۆژان دێ هێته گێران.
ئه‌و كۆنفرانسه ل رۆژێن 12 و 13 ئادارێ ب چاڤدێری و ئاماده‌بوونا محه‌مه‌د شیاع سوودانی سه‌رۆكوه‌زیرێن عێراقێ به‌ڕێڤه چیت و تێدا گوتۆبێژ ده‌ر‌باره‌یی هۆكار و كاریگه‌ری یێن ل هه‌مبه‌ر گوهۆرینێن سه‌قایی ل عێراقێ دێ هێنه ئه‌نجامدان و دێ كار بۆ ڤه‌دیتنا چاره‌سه‌رییێ و رێگریكرنێ ل هشكه سالییێ و ب بیابان بوونێ و كێمبوونا ئاڤێ هێته كرن.
