دژه‌تیرۆرا هه‌رێما كوردستانێ راگه‌هاندنه‌ك به‌لاڤكر

ده‌قێ راگه‌هاندنا دژه‌تیرۆرا كوردستانێ:

ل رێككه‌ڤتى ئێكى ئادارا 2023ێ چه‌ند كه‌سه‌ك ژ كه‌سوكارێن تاوانباران ( نه‌جده‌ت نه‌جات محه‌مه‌د، شازاد مه‌حموود قادر، ره‌زوان سامى سه‌عدى، په‌یوه‌ند فازل عه‌بدولره‌حمان، محه‌مه‌د جه‌وهه‌ر ئیبراهیم، یونس مه‌جی خزر و یاداشت جه‌واد عه‌بدولا) كو ب تومه‌تا په‌یوه‌ندیكرنێ ب گرۆپێن تیرۆرستێن داعشێ و ب فه‌رمانا دادوه‌رى هاتبوونه‌ ده‌سته‌سه‌ركرن، ل به‌رامبه‌ر دادگه‌ها تێهه‌لچوونا ده‌ڤه‌را هه‌ولێرێ بۆ میدیاێ ئاخڤتینه‌ و بانگه‌شا هندێ كرییه‌، كو كورێن وان بێى تاوان هاتینه‌ ده‌سته‌سه‌ركرن و ل ژێر ئه‌شكه‌نجه‌ و ئازاردانێ دانپێدان ژێ هاتینه‌ وه‌رگرتن و هاتینه‌ سزادان.

ئه‌م وه‌ك رێڤه‌به‌رییا گشتییا دژه‌ تیرۆرا كوردستانێ ب هه‌موو لایه‌كى رادگه‌هینین، تاوانبار هه‌لگرێن هزرا تیرۆرستییا داعشێ بووینه‌ و به‌یعه‌ت بۆ وان گرۆپێن تیرۆرستى دایه‌ و په‌یوه‌ندی دگه‌لدا هه‌بوون، و ژلایێ به‌رپرسه‌كێ ئه‌وى گرۆپێ تیرۆستیڤه‌ ب ناڤێ ( ئه‌بو شه‌هاب كوردى ) فه‌رمان پێ دهاتنه‌كرن، و به‌رى هه‌ولێرێ بجهـ بهێلن و به‌ره‌ڤ ناڤ رێزێن داعشێ بچن، كریاره‌كا تیرۆرستى ل باژێرێ هه‌ولێرێ كربوو.