وەزیرێ خواندنا بلند و ڤەکۆلینێن زانستی یێ حکومەتا هەرێما کوردستانێ، دەربارەی بەلاڤکرنا بابەتەکی ل ڕۆژناما سەباح یا عیراقی دەربارەی هەرێما کوردستانێ، ب ناڤو نیشانێ ” کۆمێنتەکا بچویک بۆ نە ماقیلییەکا مەزن” ڕەخنەیەکا توند ئاراستەی وێ ڕۆژنامەیێ دکەت.
ئارام محه‌مه‌د قادر، وه‌زیرێ خواندنا بلند و ڤەکۆلینێن زانستی ئاماژە کریە، هەرێما کوردستانێ قەوارەیەکێ دەستوورییە و بەرهەمێ خوین و گیانێ شەهیدان و قوربانیدانا ب دەهان سالان یا مللەتێ مەیە و” ب دهۆڵا چ شوڤینی و چ عەقلیەت و چ هێزەکا ڕەگەز پەرستی ژناڤ ناجیت.”
هه‌روه‌سا ئارام محه‌ممه‌د قادر ئاماژه کریە، “ب کویراتییا چاڤێن کورە یێن هەمی ئەو کەسێن چاڤێن وان ب وی قەوارەیێ ل خوین و هەستییان دروستبووی کوردستان نا کەڤیت و هەتا ئەڤ گەلێ ئازادیخواز مابیت ئالایێ کوردستانێ ژی دێ لسەر لوتکەیا چیایێن کوردستانێ بۆ هەتا هەتایێ یێ هەلدای و بلند بیت.”
