ئومێد سەباح: سوبەهی شاندێ حکومەتا هەرێما کوردستانێ دێ سەرەدانا بەغدا کەت

سه‌رۆكێ دیوانا جڤاتا وه‌زیران ڕاگەهاند، بۆ گوتوبێژکرن ل سەر پرسێن هەلاویستی، سوبەهی شاندێ حکومەتا هەرێما کوردستانێ دێ سەرەدانا بەغدا کەت.

ئومێد سه‌باح، ئه‌ندامێ شاندێ هه‌رێما كوردستانێ و سه‌رۆكێ دیوانا جڤاتا وه‌زیران، له هه‌ژمارا خۆ یا تایبه‌ت ل تۆڕا جڤاکی یا فه‌یسبووكی نڤیسیە:”بڕیارە سوبەهی ئێکشەمبی 19 شوباتا 2023، ب مەرەما درێژەدان ب کۆمنبوونێن دناڤبەرا هەولێر و بەغدا و گوتوبێژکرن ل سەر پرسێن هەلاویستی، وەک شاندێ حکومەتا هەرێما کوردستانێ سەرەدانا بەغدا بکەین.”

پێشتر ژی جوتیار عادل، پەیڤدارێ حكومه‌تا هه‌رێما كوردستانێ ڕاگەهاندبوو، بڕیاره‌ سوبەهی شاندەكێ حكومه‌تا هه‌رێما كوردستانێ، بۆ درێژه‌دان ب‌ گوتوبێژان سه‌رەدانا به‌غدا بكەت.