ڤه‌كـۆلینه‌كــا ئـەمریکــی: ئـامیرێن هشککــرنا بۆیـاغێن نینۆکــان د مــەترسیدارن

 ڤه‌كۆلینه‌کا هه‌ڤپشك دناڤبه‌را دو زانکۆیان ل ئەمریکا دیار دكه‌ن، ئامیرێن هشککرنا بۆیاغا نینۆكان دبنه‌ ئه‌گه‌رێ په‌نجه‌شێرا پیستی و تێکچوونا خانێن پیستی.

زانکۆیا کالیفۆرنیا و زانکۆیا پیتسبۆرگ ل ئەمریکا ئاشکرا دکەن، ب ئه‌گه‌رێ ب کارئینانا تیشکا سەر بنەڤشی UV ژ ئامیرێ هشککرنا بۆیاغا نینۆکان، دشێت ببیته‌ هۆکاره‌ك بۆ توشبوونێ ب په‌نجه‌شێرا پیستی.

د. لیودمێل ئەلیکساندرۆڤ، بسپۆڕێ ئەندازیارییا زیندەیی و سەرپەشتییارێ وێ ڤه‌كۆلینێ دبێژیت: هه‌كه‌ رێژا تیشکا سەر بنەڤشی د ئامیران دا بهێته‌ زێده‌ كرن، دێ بیته‌ هاندەره‌ک بۆ تێکچوونا خانێن پیستی و دروستبوونا په‌نجه‌شێرێ”، له‌وما پێدڤییە رێژا وێ تیشکێ و ب کارئینانا وێ بهێته‌ سنووردار كرن.

هه‌روه‌سا دبێژیت، تیشکێن زیانبەخش بۆ ده‌مه‌كێ مادێ دناڤا خانان دا تێکدشکێنن، ب ره‌نگه‌كی هه‌كه‌ رۆژانە بۆ ماوێ 20 خوله‌كا بهێته‌ بکار ئینان دێ 70٪ ێ یا خانێن ئاسایی دێ شێوەیێ وان تێکچێت یان دێ مرن.