نێچیرڤان بارزانی و محەمەد حەلبووسی ل بەغدا کۆمبوون

سه‌رۆكێ هه‌رێما كوردستانێ و سه‌رۆكێ جڤاتا نوونه‌رێن عیراقێ ل‌ به‌غدا کۆمبوون.

ئەڤرۆ سێ شەمبی 21 کانوونا دووێ 2023، مالپەڕێ سەرۆکایەتییا هەرێما کوردستانێ ڕاگەهاندنەک بەڵاڤکریە و تێدا هاتیە: د چوارچوڤێ سەرەدانا خۆ دا بۆ بەغدا، نێچیرڤان بارزانی، سەرۆکێ هەرێما کوردستانێ دگەل محەمەد حەلبووسی، سەرۆکێ جڤاتا نوونەرێن عیراقێ کۆمبوو.

د کۆمبوونێ دا دوماهی پێشهاتێن ڕەوشا سیاسی یا عیراقێ گوتوبێژ کرن و هەردوو لا دوپاتی ل گرنگییا پشتەڤانیکرنێ ل حکومەتا عیراقا فیدڕال بۆ سەرکەفتن د بجهئینانا کارنا خۆ دا ل گۆرەی رێککەفتنا سیاسی یا پێکئینانا حکومەتێ دا کر، کو دەرئێخستنا ژمارەیەکا یاسایان بخۆڤە دگریت.