ڤه‌كۆلینه‌كا هۆله‌ندی دیار كرییه: ئەوێن گەنجتر ژ ژییێ خۆ دەردکەڤن مەترسییا تووشبوونێ ب نەخۆشییان و لاوازبوونا ئەندامێن له‌شێ وان کێمترە.
ڤه‌كۆله‌رێن ناڤەندا نۆشداری ل زانکۆیا ئیراسمەس ل هۆلەندا دیار دكه‌ن، ئەو کەسێن گەنجتر ژ ژییێ خۆ دەردكەڤن مەترسییا تووشبوونێ ب تێكچوونا هه‌ستییان و لاوازبوونا وان و نەخۆشی یێن سیهان کێمترە، هه‌روه‌سا نیشانێن پیرییێ ل سەر پیستێ وان درەنگتر دەردکەڤن.
د وێ ڤه‌كۆلینێ دا زانیاری یێن دو هزار و 680 کەسان ل هۆلەندا بکارهاتینە و ره‌نگێن ئه‌وێن پێنج سالان گەنجتر ژ ژییێ خۆ” تێدا دەرکەفتینه كو کێمتر تووشی ئاریشێن ساخله‌مییێ بووینه، ب ره‌نگه‌كی 24٪ مەترسییا توشبوونێ ب لاوازبوونا هه‌ستییان و 15٪ ب نەخۆشی یێن سیهان کێمتر بوویە.
تامار نیجیستین، بسپۆرا نەخۆشی یێن پیستی و سەرپەرشتیارا وێ ڤه‌كۆلینێ ل زانکۆیا ئیراسمەس دبێژیت: ”ئەوێن گەنجتر دەردەکەڤن کێمتر تووشی چرچبوونا پیست دبن و نیشانێن پیربوونێ درەنگتر ل سەر دەردکەڤن.”
هه‌روه‌سا گۆتییه: پێدڤییه خانمان شێوازێ ژیانه‌كا رێکوپێك هەبیت و وەرزشێ بکەن، ژ پێخه‌مه‌ت وان جەستەیەکێ گەنجتر هەبیت و درەنگتر نیشانێن پیربوونێ ل سه‌ر سیمایێ وان دەربکەڤیت.
