<h3 style="text-align: justify;"><span style="font-size: 18pt;">بریاره ب رێژه‌یا 80%ێ یا یاریكه‌رێن تیما زاخۆ ئه‌وا دخۆلا نایابا عیراقێدا پشكدار بۆ قووناغا دووێ یا خۆلێ بهێنه گوهۆرین و هه‌ر شه‌ش پیشه‌كار ژى دگه‌ل تیمێ نه‌مینن.</span></h3> <h3 style="text-align: justify;"><span style="font-size: 18pt;">دلژارعەدنان په‌یڤدارێ یانا زاخۆ بۆ ئاژانسا خانی راگەهاند، زاخۆیێ ده‌ست ب به‌رهه‌ڤییان بۆ قووناغا دووێ یا خۆلا نایابا عیراقێ كرییه، كو پشتى خۆل هاتییه راوه‌ستاندن دێ بزاڤێ كه‌ت رێزێن خوه پتر بهێزبێخیت داكو ل قووناغا دووێ بهێته رێزێن پێشییێ درێزبه‌ندییا خۆلێدا.</span></h3> <h3 style="text-align: justify;"><span style="font-size: 18pt;">پەیڤدارێ یانا زاخۆ ئەو چەندە ژی دیاركر، 100%ێ دێ گوهۆرین د پیشەکاراندا هێتەکرن، و هەر شەش پیشەکار و یاریكه‌رێن عیراقى ژى دێ هێنە گوهۆرین، و ئاماژه ب هندێ دا، نوكه به‌رهه‌ڤى بۆ قووناغا دووێ یا خۆلێ دهێنه‌كرن، ده‌سته‌یا راهێنه‌ران دێ كۆمبیت و لژنه‌یه‌ك ژ شه‌ش كه‌سێن بسپۆر و كارگێر و راهێنه‌ران هاتییه پێكئینان، داكو تیمه‌كا نوو پێكبینن و نێزیكى 80%ێ تیم دێ هێته گوهۆرین.</span></h3> <h3 style="text-align: justify;"><span style="font-size: 18pt;">زێده‌تر په‌یڤدارێ یانه‌یا زاخۆ ل دۆر یاریكه‌رێن خۆلا نایابا كوردستانێ ئاشكراكر، بەری نوكه سێ یاریكه‌ر ژ تیما خۆلا نایابا کوردستانێ بۆ پشكداریكرنێ دخۆلا نایابا عیراقێدا هاتبوونه گازیكرن، و دتیما نوودا دێ شه‌ش یاریكه‌ر خه‌لكێ زاخۆ بن.</span></h3> <h3 style="text-align: justify;"><span style="font-size: 18pt;">دهێته زانین زاخۆ ل رێزا 18ێ دخۆلا نایابا عیراقێدا دهێت، كو ژ 12 یارییان ب ئێك سه‌ركه‌ڤتن تۆماركرییه و پێنج جاران وه‌كهه‌ڤبوویه و شه‌ش جاران تووشى دۆراندنێ بوویه.</span></h3>
