رێكخراوا جیهانی یا گەشتوگۆزار یا سەر ب نەتەوێن ئێكگرتی ڤە كو ناڤەندا وێ ل مەدریدا پایتەختێ ئسپانیا یە، لیستا باشترین گۆندێن جیهانێ بۆ سالا 2022ێ بەلاڤكر و تێدا گۆندێ بیرگی یێ سەر ب پارێزگەها مێردینێ ڤە وەك ئێك ژ باشترین گۆندان دیاركریە.
گۆندێ بیرگی، گۆندەكێ كریستیانایە ل باژێركێ میدیات یێ پارێزگەها مێردین یا باكوورێ كوردستانێ، ژ سەرجەمێ نەهـ ستاندەردێن كارپێكری یێن رێكخراوێن جیهانی یێن پاقژی، پاراستنا ژینگەهێ، بایەخدان ب كەلتووری و جهێن دیرۆكێ و چەندین تایبەتمەندییێن دی، هەشت خال ب دەستڤەئیناینە.
