شیرەتکارەکێ وەزارەتا بازرگانی و پیشەسازی ل حكومه‌تا هه‌رێما كوردستانێ ئاشکرا کر، د ئەڤ سالە دا ڤەکرنا کارگەھان ل ھەرێما کوردستانێ زێدەبوویە و کارگەھێن پیشەسازی یێن خوارنێ و کەلوپەلێن ناڤمالێ زۆرترین حه‌ز ل سەرە.
فەتحی محەمەد، زێده‌تر بۆ ئاژانسا خانی دیارکر” تۆمارکرنا کۆمپانییان و ڤەکرنا کارگەھان د ئەڤ سالە دا زێدەبوویە و بەردەوام داخوازی دھێنە کرن بۆ تۆمارکرنا کارگەھان، ئەڤە ژی دبیتە ئەگەرێ زێدەبوونا دەلیڤێن کاری و زێدەکرنا رێژا بەرھەمئینانێ.
فەتحی محەمەد گۆت ژی” پیشەسازییا خوارنێ و کەلوپەلێن ناڤمالێ و ئاڤاھییان زۆرترین خواست ل سەر ھەیە، ئەو کارگەھێن دھێنە ڤەکرن پتر د وان بییاڤان دانە، ڤەکرنا کارگەھان ل ھەر بیاڤەکی دا بیت دێ کاریگەری یێن خوە ھەبن.
