وەزیرێ خواندنا بلند و ڤەكۆلینێن زانستی یێ هەرێما كوردستانێ راگەهاند، ئافرەت رێژا 57% یا قۆتابییێن زانكۆیێن هەرێما كوردستانێ پێكدئینن.
ئارام محەمەد قادر، وەزیرێ خواندنا بلند و ڤەكۆلینێن زانستی د چارچووڤێ پشكداریكرنا خوە دا د رێورەسمێن دەرچوونا خۆلا 17ێ یا زانكۆیا كۆیە راگەهاند، ل دویڤ داتایێن زانكۆیا كۆیە، رێژا 46% یا دەرچوویێن ئەڤێ خۆلێ ئافرەتن. ل سەر ئاستێ سەرجەم زانكۆیێن هەرێمێ رێژا 57% یا قۆتابییان ئافرەتن، هەروەسا ل سەر ئاستێ جڤاتا وەزارەتێ ژی چوار ئەندامێن جڤاتێ و سێ سەرۆكێن زانكۆیا و سەرۆكا جڤاتا بلند یا كوردستانێ بۆ بسپۆرییێن پزیشكی ئافرەتن.
گۆت ژی: ئەڤ یەكە دیاردكەت كو هەرێما كوردستانێ پێنگاڤێن گرنگ بۆ رەخساندنا دەرفەتێن یەكسان بۆ كۆر و كچێن ڤی وەلاتی هاڤێتینە.
