جڤاتا وه‌زیرێن عیراقێ هژماره‌كا بڕیارێن كابینا مسته‌فا كازمی هه‌لوه‌شاندن

جڤاتا وه‌زیرێن عیراقێ ب سه‌رۆكاتییا محه‌مه‌د شیاع سۆدانی هه‌موو بڕیارێن كابینا كازمی ل ده‌مێ كاربڕێكردنێ دا هه‌لوه‌شاندن‌.

ئه‌ڤرۆ (1 ى نۆڤێمبه‌را 2022) ێ، د كۆمبوونا جڤاتا وه‌زیرێن عێراقێ دا، ده‌نگ ل ‌سه‌ر هه‌لوه‌شاندنا هه‌موو وان بڕیارێن حكومه‌تا مسته‌فا كازمی، سه‌رۆك وه‌زیرێن به‌رێ یێ عێراقێ هاتنه‌ دان، یێن كو پشتی 8 ی ئۆكتۆبه‌را 2021 ێ هاتینه‌ ده‌ركرن.

ئه‌و بڕیارێن هاتینه‌ هه‌لوه‌شاندن‌، ده‌ستنیشانكرنا هژماره‌كا پارێزگار و چه‌ند به‌رپرسێن ئه‌منی و ئیداری بووینه‌، ژ وان ژی: پارێزگارێ نه‌جه‌ف، زیقار، بابل و سه‌ڵاحه‌دین” هه‌روه‌سا رائید جوحی، سه‌رۆكێ ده‌زگه‌هێ هه‌واڵگرییا عێراقێ و حه‌مید ئه‌لشه‌تری، سه‌رۆكێ ده‌زگه‌هێ ئاسایشا نیشتیمانی.