کاروان حاجی سەرۆکێ لژنا ئابووری و بەرپرسێ بنگەهێ چاڤدێرییا بازرگانی ل قایممقامییا قەزا ئامێدییێ بۆ ئاژانسا خانی دیارکر، د بەردەوامییا سەرەدانێن خوە دا، ئەڤرۆ دوشەمبێ لژنا ئابووری یا قایممقامییا قەزا ئامێدییێ ب مەرەما دووڤچوونێ ، سەرەدانا بازارێ ناحییا سەرسنکێ کر.
ناڤهاتی گۆت ژی: ئەو سەرەدانە یا تایبەت بوو ب دووڤچوونا گرانییا بهایێ کەلو پەلان د بازاری دا و پشکنینکرنا کەلوپەلێن دەم ب سەرڤەچوویی.
سەرۆکێ لژنا ئابووری دیار کر ژی: ژبەر نەپێگرییێ ب رێنمایێن لژنا ئابووری یا قایممقامییا قەزا ئامێدییێ گوشت فروشەک ل ناحییا سەرسنکێ هاتە داخستن ژبەر نەپێگیریکرن ب رێنمایان و هوشداری ب سێ جهان هاتە دان، هەروەسا داکوکی ل هەمی جهێن بازرگانی کر کو ل دووڤ رێنمایان کار بکەن.
