شانده‌كێ وه‌زارى یێ پارتى دلگرانییێن ئێكه‌تییێ بۆ لایه‌نان ئاشكرادكه‌ت

پشتى سه‌ره‌دانا شاندێ مه‌كته‌با سیاسى یا ئێكه‌تییێ بۆ حزبان و دیاركرنا دلگرانییا خوه‌ ژ حكومه‌تێ، ئه‌ڤرۆ شانده‌كێ وه‌زارى یێ پارتى دیموكراتى كوردستان ل حكومه‌تا هه‌رێما كوردستانێ ب سه‌رۆكایه‌تییا پشتیوان سادق و ئه‌ندامه‌تییا ساسان عه‌ونى، سه‌فین دزه‌یى و ئومێد سه‌باحى سه‌ره‌دانا حزبا شیوعى و حزبا زه‌حمه‌تكێشێن كوردستانێ كر.

شاندێ پارتى دكۆمبوونێدا دیاركر كو دلگرانییێن ئێكه‌تییێ ژ ئه‌وان زانیاریانه‌ یێن ده‌زگه‌هێن ئێمناهییێ ل دۆر تیرۆركرنا ( هاوكار جاف )ى ئاشكراكرین، و ناهێته‌ قه‌بوولكرن ل پایته‌ختێ هه‌رێما كوردستانێ ئه‌ڤ كاره‌ بهێنه‌كرن، دگه‌ل هندێ حكومه‌تا هه‌رێما كوردستانێ چ لایه‌نێن سیاسى تۆمه‌تبارنه‌كرینه‌، به‌لكۆ ب تنێ داخوازا راده‌ستكرنا تۆمه‌تباران كرییه‌.

هه‌روه‌سا بریاره‌ سوبه‌هى رۆژا ئێكشه‌مبى 30ى چریا ئێكێ شاندێ پارتى دگه‌ل مه‌كته‌یا سیاسى یا ئێكگرتویا ئیسلامى كوردستان و بزاڤا گوران كۆمببیت.