سه‌رۆكێ هه‌رێما كوردستانێ و بالیۆزێ توركیا كۆمبوون

سەرۆکێ هەرێما کوردستانێ و بالیۆزێ تورکیا ل عێراقێ، پرسا هه‌ڵبژارتنێن سه‌رۆکكۆماری و بزاڤێن پێكئینانا حكومه‌تا نوو یا فيدرالی یا عیراقێ، گوتۆبێژ كرن.

ئه‌ڤرۆ دوشه‌مبی‌ 2022/10/10  نێچيرڤان بارزانى، سه‌رۆكێ هه‌رێما كوردستانێ، پێشوازى ل‌ عه‌لى ره‌زا گوينه‌ى، باڵيۆزێ توركيا ل‌ عێراقێ و شانده‌كێ ل گه‌ل دا كر.

 د كۆمبوونه‌كێدا گرنگییا په‌يوه‌ندی یێن عێراقێ و هه‌رێما كوردستانێ ل گه‌ل توركيا ب ‌تايبه‌تى د بیاڤێ ئابوورى و گوهۆرینێن بازرگانى و هاريكاری یێن هه‌ڤپشك دا، داوی پێشكه‌فتنێن پرۆسا سياسى، پرسا هه‌ڵبژارتنێن سه‌رۆکكۆماری و بزاڤێن پێكئینانا حكومه‌تا نوو یا فيدرالی یا عێراقێ هاتنه‌، به‌حس كرن.

هه‌ردو ئالی هه‌ڤرابوون ل سه‌ر گرنگيیا پاراستنا سه‌قامگيرى و ئاشتىیێ ل‌ عێراقێ كو‌ كاريگه‌رى ل ‌سه‌ر ئارامى و سه‌قامگيريیا ڤێ ده‌ڤه‌رێ هه‌يه‌، هه‌روه‌سا تيشك خستنه‌ سه‌ر ته‌حه‌دی یێن قووناغا نوكه‌ عێراق و چاوانییا ده‌بازبوونێ ب هاريكاريیا دناڤبه‌را  پێكهاته‌ و لايه‌نێن سياسی یێن وه‌لاتی و مفا وه‌رگرتن ژ ده‌وڵه‌مه‌نديیا ژێده‌رێ مرۆڤى و سروشتی یێن عێراقێ” گوتۆبێژ و گوهۆرینا بۆچوونان ده‌رباره‌یی داوی روودان و پێشهاتێن ڤێ ده‌ڤه‌رێ‌، ته‌وه‌ره‌كێ دیتر یێ وێ كۆمبوونێ‌ بوو.