ل ھەیڤا بهێت جارەکا دی لایەنێن سیاسی لدۆر ھەلبژارتنان دێ کۆمبن

ئاژانسا خانی ” تایبەت:

ئەڤرۆ ب بەرھەڤبوونا نوونەرێن لایەنێن سیاسی و ل سەرۆکاتییا ھەرێما کوردستانێ کۆمبوونەک ل دۆر ئێکلاکرنا پرسا ھەلبژارتنان ھاتە ئەنجامدان و لدووڤ زانیاریێن ئاژانسا خانی لایەنێن سیاسی نەگەھشتنه‌ رێکكەفتنێ و بڕیارە کۆمبوونەکا دی بھێتە ئەنجامدان.

ژێدەرەکێ ئاگەھدار بۆ ئاژانسا خانی راگەھاند” کۆمبوونا ئەڤرۆ ب سەرپەرشتیا سەرۆکێ ھەرێما کوردستانێ و بەرھەڤبوونا نوونەرا نەتەوێن ئێکگرتی بڕێڤەچوو بۆ ئێکلاکرنا پرسا ئەنجامدانا ھەلبژارتنێن ھەرێما کوردستانێ، یاکو بریار بوو ١ی ئۆکتۆبەرێ بھێتە كرن و نەگەھشتینە چو ئەنجامان.

وی ژێدەری گۆت ژی” چەند پێشنیارەک ھاتینە کرن ژلایێ لایەنێن سیاسی، بەلێ د کۆمبوونا ئەڤرۆ دا نەگەھشتینە بڕیارەکا ئێکلاکەر، لەوما بڕیار ھاتییە دان ھەیڤا ئیلۆنا بهێت جارەکا دی کۆمبوونەکا بەرفرەھ لدۆر دیارکرنا ژڤانێ ھەلبژارتنان بھێتە ئەنجامدان.