ئه‌ڤ ساله‌ دێ حه‌فت هزار و 400 ته‌نێن توڤێ گه‌نمى هێنه‌ به‌لاڤكرن

بریاره‌ ئه‌ڤ ساله‌ وه‌زاره‌تا چاندنێ توڤێ گه‌نمى ب سه‌ر جووتیاران دا به‌لاڤ بكه‌ت و شیره‌تكارێ وه‌زاره‌تێ دبێژیت : ئه‌ڤ توڤه‌ ل دووڤ پیڤه‌رێن جیهانییه‌ و دگه‌ل سه‌قایێ هه‌رێما كوردستانێ دگونجیت.

شیره‌تكارێ وه‌زاره‌تا چاندنێ نه‌به‌ز رفعه‌ت بۆ ئاژانسا خانى دیاركر، ئه‌ڤ ساله‌ وه‌زاره‌تا چاندنێ حه‌فت هزار و 400 ته‌نێن توڤێ گه‌نمى به‌رهه‌مئیناینه‌ و بریاره‌ ل مه‌ها 11 ل سه‌ر جووتیارێن هه‌رێما كوردستانێ بهێنه‌ به‌لاڤكرن و ل هه‌ما ئه‌یلولا بهێت ژى بهایێ توڤى دێ بۆ جووتیاران هێته‌ دیاركرن، زێده‌تر ئاشكراكر، ئه‌ڤ ساله‌ جووداهى دمه‌زاختییێن به‌رهه‌مئینانا توڤى دا هه‌بوو، كو سالانه‌ بۆ به‌رهه‌مئینانا حه‌فت هزار و 400 ته‌نێن توڤى پێدڤى ب چار هه‌تا پێنج ملیار دیناران بوو، لێ ئه‌ڤ ساله‌ ژبه‌ر پێشكه‌ڤتنا رێڤه‌به‌رییا ڤه‌كۆلینان ب تنێ ئێك ملیار و 200 ملیۆن دینار هاتینه‌ مه‌زاختن.

شیره‌تكارێ وه‌زاره‌تا چاندنێ گوت ژى : توڤێ ئه‌ڤ ساله‌ ب كوالێتییه‌كا باشه‌ و ل دووڤ پیڤه‌رێن جیهانى یه‌ و ژ هه‌موو پشكنینان ده‌ربازبوویه‌، دگه‌ل سه‌قایێ هه‌رێما كوردستانێ دگونجیت و ب ئاڤا بارانان به‌رهه‌م ‌دهێت و ئه‌ڤه‌ژى هاریكارییه‌كا باشه ‌بۆ جووتیاران.