هه‌ڤژینا د.ئیدریس عیزەت حەمەخان ناڤێ وێ نیشتمانە و ل زانکۆیا سۆران مامۆستایە. پێشتر دگه‌ل تۆمەتبارێ روودانێ ب ناڤێ [ ئ.م.ق] لسەر ڤه‌گوهاستنێ ژ زانکۆیا سۆران بۆ زانکۆیا سەلاحەدین ئاریشه هەبوو و ببوو گه‌نگه‌شه. پاش هه‌ڤژینا د.ئیدریس سکالا لسەر وى قوتابى تۆمارکر و ئەڤڕۆ ئێكه‌م رۆژا دادگه‌هێ بوو. به‌لێ به‌رى دادگه‌هێ تۆمەتبار چوو مالا د. ئیدریس، مامۆستایێ پشكا میكانیكێ ل كۆلیژا ئه‌ندازیاری وتەقە لێ كر و پشتی ئەو ره‌ڤییه ل مالا جیرانا و لسه‌ربانێ جیرانان كۆشتییه.
پشتى ئه‌ڤێ روودانێ تۆمەتبار دچیته کۆلیژا یاسا ل زانکۆیا سەلاحەدین و 5 گوله ل د. کاوان، راگرێ كۆلیژا یاسایێ كرن و هه‌تا گه‌هاندییه نه‌خۆشخانێ گیانێ خۆ ژ ده‌ستدا هه‌روه‌سا ئێك ژ پاسەوانێن کۆلیژێ ژى بریندار كریه.
ئومێد خۆشناو، پارێزگارێ هەولێرێ كو ئه‌ڤرۆ ل جهێ روودانێ ئاماده‌بوو د کۆنگرەیەکێ رۆژنامەڤانیدا راگەهاند، ئەو تۆمەتبارێ ئەڤڕۆ تەقە كرى ئاكنجییێ ناحیا به‌حركه‌یه سه‌ر ب پارێزگه‌ها هه‌ولێرێ، پێشتر ژ ئالییێ پۆلیسان ڤه هاتبوو ده‌سته‌سه‌ركرن به‌لێ ب كه‌فاله‌ت هاتییه ئازادكرن، هه‌روه‌سا ئه‌ڤرۆ ل ده‌مژمێر نێزیكى 12 ژ ئالییێ رێڤه‌به‌رییا ئاسایشا هه‌ولێرێ هاته ده‌سته‌سه‌ركرن.
