پەرلەمانتاره‌كێ پارتی: چارچۆڤی ھەماھەنگییێ یا رازییه‌ ل سەر مەرجێن پارتی

سیپان شێروانی، پەرلەمانتارێ پارتی ل پەرلەمانێ عێراقێ بۆ ئاژانسا خانی دیار كر: ”شانده‌كێ پارتی ب سەرۆکاتییا د. فوئاد حسێنی، ل گەل چارچۆڤێ ھەماھەنگییێ کۆمبوویه‌ و لێک تێگەهشتن ھەیە دناڤبه‌را پارتی و چارچۆڤێ ھەماھەنگییێ دا، بەری کۆمبوونا ڕۆژا پێنجشەمبی، ڕێککەفتنا مەبدەئی ھەبوویە ده‌ربارەیی پشكدارییا فڕاکسیۆنا پارتی د کۆمبوونا بوری یا پەرلەمانێ عێراقێ دا” د بەرامبەر دا چارچۆڤێ ھەماھەنگییێ رازی بووینه‌ ل سەر مەرجێن پارتی بۆ پێکئینانا حکومەتا نوو یا عێراقێ، سەرۆک بارزانی دووپاتی ل مەرجێن پارتی کرییه‌ كو تەوافوق و شەراکەت و تەوازون هه‌بیت، ئەو ژی ب وان مەرجێن پارتی د رازینه‌.”

ناڤهاتی گۆت ژی: ” د بەیانناما فراکسیۆنێن پشكدار د کۆمبوونا پێنجشەمبییا بوری یا پەرلەمانێ عێراقی دا ب ڕوونی گۆتییه‌ كو ئەولەوییاتا كارێ وان چارەسەرکرنا کێشێن دناڤبه‌ینا ھەرێما کوردستانێ و بەغدا دایه‌، دەرکرنا یاسایا نەفت و غازێ، ئەو ژی سەرەکیترین داخوازییا مه‌یه‌ ل گەل کێشا ده‌ڤه‌رێن کوردستانی یێن دەرڤه‌یی ئیدارا حکومەتا ھەرێمێ.”