سه‌رۆكێ ئۆكرانیا: ئه‌م بۆ ئازادی و سه‌ربه‌خۆییا وه‌لاتیێن خۆ دجه‌نگین

فولودیمیر زیلینیسكى، سه‌رۆكێ ئۆكرانیا ئه‌ڤرۆ د چاڤپێكه‌فتنه‌كێدا راگه‌هاند، جه‌نگ و هێرشێن رووسیا ب تمامى ژیانا مه‌ گوهورییه‌، به‌لێ ب چ شێوا كاریگه‌رى لسه‌ر ئارمانجێن مه‌ نه‌كرییه‌ ژ پێناڤ داهاتۆیه‌كێ باشتر و بۆ سه‌ربه‌خوه‌یا وه‌لاتێ خۆ دجه‌نگین.
هه‌روه‌سا سه‌رۆكێ ئۆكرانیا دوپاتكر، چار مه‌ها به‌رى نوكه‌ هێرشێن رووسیا بۆ سه‌ر ئۆكرانیا ده‌ستپێكرینه‌ و گۆت: نوكه‌ وه‌لاتیێن ئۆكرانیا د وه‌لاته‌كێ پر جه‌نگ دا ژیانا خۆ دبورینن ،به‌لێ بزاڤێن ئارمانجێن مه‌ هه‌ر وه‌ك خۆ ماینه‌ و مه‌ ده‌ست ژ ئارمانجێن خو به‌رنه‌داینه‌.

زیلینیسكى دیاركر: ئه‌م بۆ ئازدی و سه‌ربه‌خۆییا وه‌لاتێ خو دجه‌نگین و ل ده‌ستپێكێ داهاتوییه‌كێ باش بده‌ستڤه‌ بینین، مه‌ ژیانه‌ك دڤێت ب گیان و روحا خۆ بۆ وه‌لاتێن ئۆكرانیا ته‌رخان بكه‌ین.