ئەڤرۆ بۆ رۆژا سییێ ل سەر ئێک ب مۆشەکان ھێرشی سەر کێلگەھا غازا کۆرۆمۆر ل ناحیا قادر کەرەم یا سەر ب قەزا چەمچەمال ھاتە کرن و رێڤەبەرێ ناحیێ ژی دبێژیت، زیانێن ھێرشا ئەڤرۆ دیار نینن.
سه‌دیق محەمەد، رێڤەبەرێ ناحیا قادر کەرەم بۆ ئاژانسا خانی دیار کر” ئێڤاریا ئەڤرۆ بۆ جارا سییێ موشەکەکا دی ئاراستەیی کێلگەھا غازا کۆرمۆر ل قەزا چەمچەمال ھاتییە کرن و ھێشتا زیانێن وێ ھێرشێ دیار نینن، ئەڤە سێ رۆژن ل سەر ئێک ب مۆشەکان ھێرش بۆ سەر کێلگەھا کۆرۆمۆر دھێتە کرن.
ناڤهاتی گۆت ژی” دەڤەرەک ھەیە دناڤبەرا سەنگەرێن پێشمەرگە و ھێزێن عێراقی ڤالاھییا ئەمنی ھەیە و کەس تێدا نینە، لەوما گورەی زانیاریێن بەردەست ل وێ دەڤەرێ موشەک ئاراستەیی کێلگەھا کۆرۆمۆر دھێنە کرن و ھێزێن ئەمنی و پۆلیسێن نەفت و غازێ چووینە دەڤەرێ بۆ دەستەسەرکرنا تاوانباران.
