ئه‌حمه‌د كانی: نوکە ژی ئەم ل گەل سەدری هه‌ڤپه‌یمانین

ئاژانسا خانی ” تایبەت:

ئەندامەکێ جڤاتا سەرکرداتییا پارتی دیار كر: ئاریشێن دناف مالا شیعی دا د ئالۆزن و ڤەکێشانا کۆتلا سەدری پتر رەوشا عێراقێ ئالۆز کرییە، بەلێ پارتی ھەر خۆ ب ھەڤپەیمانییێ سەدری دزانیت.

ئەحمەد کانی، زێده‌تر بۆ ئاژانسا خانی گۆت:” ئەگەرێن سەرەکی یێن دەست ژ کارکێشانا کۆتلا سەدری دیار نینن، بەلێ ئەم دزانین ئاریشێن دناف مالا شیعی دا د ئالۆزن و ب ڤەکێشانا سەدری ھێشتا ئالۆزتر بووینە، ھەتا چارەسەری ژی دێ زەحمەتربن بێی سەدری، ل گەل ڤێ چەندێ پارتی دخوازیت دانوستاندن بۆ چارەسەرکرنا رەوشا نوکە یا عێراقێ بھێنە دەستپێکرن، ھەتا بەری ئەم ھەڤپەیمانێن سەدری مە دانوستاندن رەتنەکرینە ھەر چەندە نوکە ژی ئەم ھەڤپەیمانێن سەدرینه‌.

ناڤهاتی گۆت ژی” پارتی یا رژدە ل سەر ھەلویستێ خۆ” كو ئاریشە لدووڤ ده‌ستووری بھێنە چارەسەر کرن دناڤبەرا ھەرێم و بەغدا دا، دوھی ژی سەرۆک بارزانی ئاماژه‌ ب هندێ دا، پێگیری ھندەک بڕیارێن نەقانوونی نابن و پارتی یا بەرھەڤە ھەر تشتەکێ د بەرژەوەندیا گەلێ کوردستانێ دا بیت بکەت، بەلێ لدووڤ ده‌ستوورێ عێراقێ و بەرژەوەندییا گشتی یا عێراقێ بیت.