ئه‌ڤرۆ پێنجشه‌مبى 16 خزیرانا 2022ێ سه‌رۆك بارزانى ل سه‌لاحه‌ددین پێشوازى ل بالیۆزا نوو یا ئه‌مریكا ل عیراقێ ئالینا رۆمانوسكى كر.
د دیداره‌كێ دا ب به‌رهه‌ڤبوونا كونسلێ گشتى یێ ئه‌مریكا ل هه‌ولێرێ رۆبێر پالادینوى، سه‌رۆك بارزانى پیرۆزباهییا كاركرنێ ل بالیۆزا نوو یا ئه‌مریكا كر و داخوازا سه‌ركه‌ڤتنێ دئه‌ركێن وێ یێن نوودا بۆ كر.
ره‌وشا سیاسى یا عیراقێ و داوى پێشهاتێن پرۆسه‌یا سیاسى یا عیراقێ ئێك ژ ته‌وه‌رێن دیدارێ بوو، و سه‌رۆك بارزانى هزر و بیرێن خوه ل دۆر ره‌وشا سیاسى و چاره‌سه‌ركرنا قه‌یرانا سیاسى یا عیراقێ دیاركرن.
هه‌ر دڤێ دیدارێ دا بالیۆزا ئه‌مریكا ل عیراقێ ئاماژه دا سه‌قامگێرییا هه‌رێما كوردستانێ و دووپاتكر، كو وه‌لاتێ وێ دێ ل سه‌ر پشته‌ڤانیكرن و هه‌ماهه‌نگییا دگه‌ل حكومه‌تا هه‌رێما كوردستانێ و پێشڤه‌برنا په‌یوه‌ندییان دهه‌موو بیاڤاندا یێ به‌رده‌وام بیت.
