ئاژانسا خانى: تایبه‌تجێگرێ رێڤه‌به‌رێ گشتى یێ كاروبارێن كومه‌لایه‌تى راگه‌هاند، ئینانا كرێكارێن بیانى بۆ هه‌رێمێ هاته سنوورداركرن و دبێژیت، سالانه تنێ سێ هزار كرێكارێن بیانى ب ره‌نگه‌كێ فه‌رمى بۆ كاركرنێ دێ ئیننه د هه‌رێمێ دا.
نزمی مووسا، جێگرێ رێڤه‌به‌رێ گشتى یێ كاروبارێن كومه‌لایه‌تى بۆ ئاژانسا خانى راگه‌هاند،: لدوڤ یاسایێ هه‌مى كرێكارێنت بیانى ئه‌گه‌ر موله‌تا فه‌رمى وه‌ربگرن، ماف هه‌یه بۆ كاركرنێ بهێنه هه‌رێما كوردستانێ، به‌لێ پشتى سال 2014 ژ ئه‌گه‌رێ قه‌یرانا داریى هژمارا بێكاریێ زێده‌بوویه، ژبو هندێ ده‌رفه‌تا كارى بۆ كرێكارێن نافخۆ به‌رده‌ستبیت، ئینانا كرێكارێن بیانى هاته سنوورداركرن و نوكه ب تنێ موله‌ت ب وان كرێكاران دهێته دان یێن كو ئه‌وان كاران دكه‌ن یێن كو كرێكارێن نافخۆ نه‌كه‌ن، یان بده‌ست ناكه‌ڤیت، ئه‌وێن دهێنه هه‌رێمێ زێده‌تر كرێكارێن ناڤمالێ و پاقژكه‌رێ ژینگه‌هێ نه.
وى به‌رپرسى گوتژى: ئه‌و كۆمپانیێن كرێكارێن بیانى بۆ پرۆژان دئیننه هه‌رێما كوردستانێ، دێ لیژنێن مه سه‌ره‌دانا جهی كارێ ئه‌وان كه‌ن ژبو هندێ پشت راست بن لسه‌ر پێتڤیا ئه‌وان بو كرێكار بدێ ئینن، و پشتى 15 رۆژان دێ ل رۆژناما فه‌رمى هێنه به‌لاڤكرن.
ئاماژه ب هندێ ژى كر، ئه‌و كرێكارێن مۆله‌تا كاركرنێ پێ هاتیه دان و دهێنه هه‌رێمێ سالانه هژماراوان ژ سێ هزار كرێكاران ده‌رباز نابیت، به‌لێ ئه‌وێن ب شێوێ قاچاخ دهێن هژماراوان دیارنینه و لده‌ڤ مه نه‌هاتینه توماركرن.
