پەیاما سەرەخۆشییێ یا سەرۆکێ حکومەتێ بۆ وه‌غه‌ركرنا د. عەزیز گەردی

مه‌سرور بارزانی سه‌رۆكێ حكومه‌تا هه‌رێما كوردستانێ په‌یامه‌كا  سه‌ره‌خۆشیی ئاراسته‌یی بنه‌مالا مامۆستا نڤێسه‌ر و ره‌وشه‌نبیرێ كوردستانێ عه‌زیز گه‌ردى كر.

ئه‌ڤه‌ ژى ده‌قێ وێیه‌:

ب خه‌م كوڤانه‌كا مه‌زنڤه‌ نووچه‌یێ وه‌غه‌را دووماهییێ یا نڤێسه‌ر و وه‌رگێرێ ناڤدارێ كوردستانێ د. عه‌زیز گه‌ردى گه‌هشته‌ مه‌، مامۆستا عه‌زیز گه‌ردى ره‌وشه‌نبیره‌كێ مه‌زن و ب شیان و خودان كه‌سایه‌تیه‌كا ب هێز و خۆشتڤى و جهێ رێزبوو ل كوردستانێ، هه‌مى ژییێ خۆ ب نڤێسین و ڤه‌كۆلین و وه‌رگێرانێ ڤه‌ بوراندییه‌ بۆ خزمه‌تا ره‌وشه‌نبیری و ئه‌ده‌بیا كوردى، پرسه‌ و سه‌ره‌خوشییێ و هه‌ڤخه‌مییا خۆ ئاراسته‌یی بنه‌مالا نڤێسه‌ر و ره‌وشه‌نبیرێ كوردستانێ دكه‌م و هه‌ڤپشكێ خه‌ما هه‌وه‌ مه‌.

خودایێ مه‌زن گیانێ وی ل بهه‌شتا به‌رین شاد بكه‌ت و سه‌بر و ئارامییێ بده‌ته‌ هه‌مییان.

مەسرور بارزانی

سەرۆکێ حکومەتا هەرێما کوردستانێ