یۆناس لۆڤێن، بالیۆزێ سوید ل عێراقێ و بۆتان سالح، بەرپرسێ کارگێری ل کونسلخانا سوید و کۆمیسیارێ بازرگانی ل رۆژهەلاتا ناڤین سه‌ره‌دانا ده‌سته‌یا وه‌به‌رهێنانا هه‌رێما كوردستانێ كر و د كۆمبوونه‌كێ دا ل گه‌ل سەرۆکێ دەستەیا وەبەرهێنانێ، ره‌وشا وەبەرهێنانێ و به‌رفره‌هكرنا پەیوەندیێن دناڤبه‌را هەرێما کوردستانێ سوید هاتنه به‌حس كرن.
د. محەمەد شوکری، سەرۆکێ دەستەیا وەبەرهێنانێ ئاماژە ب هندێ دا، هەرێما کوردستانێ پێدڤی ب وەبەرهێنانا بیانی هەیە، بۆ ڤێ چه‌ندێ حکومەت یا ئامادەیە هه‌موو ئاسانکارییان بۆ وەبەرهێنەرێن بیانی و سویدی بکه‌ت و وان دڤێت وەبەرهێنه‌رێن سویدی ل کوردستانێ ببینن.
ب مه‌ره‌ما هەماهەنگییا زێده‌تر یا دناڤبه‌را هەرێما کوردستانێ و سوید، بڕیارە چەند وەبەرهێنەرێن سویدی بهێنە کوردستانێ و شانده‌كێ وەبەرهێنه‌ران ژ هه‌رێما كوردستانێ سەره‌دانا ستۆکهۆلمێ بکەن.
