عیراق داخوازێ ژ جووتیاران دكه‌ت گه‌نمێ خوه‌ بدەنە حکومەتێ

د. حەمید نائیف، په‌یڤدارێ وەزارەتا چاندنا عیراقێ گۆت: داخوازێ ژ هەموو جووتیاران دکەین گەنمێ خوه‌ رادەستی حکومەتێ بکەن بۆ هندێ وەزارەتا بازرگانی پلانا ستراتیژی هەبیت” ئه‌ڤ ساله‌ گەنم ب رێژا 50% کێمکرییە، هه‌روه‌سا ئه‌ڤ ساله‌ ئه‌م چاڤه‌رێ دكه‌ین نێزیكی دو ملیۆن و نیڤ ته‌نێن گەنمێ باش مه‌ هه‌بن” ئه‌ڤ رێژه‌ هه‌تا دووماهییا وه‌زری دێ تێرا هه‌موو عیراقێ كه‌ت.

ئه‌و ژی گۆتییه‌: هه‌تا نوكه‌ وان ملیۆنه‌ك و 300 هزار ته‌نێن گه‌نمی ژ جووتیاران کرینه‌” حکومەتێ بۆ هەر ته‌نه‌كا گەنمێ خۆمالی ب 850 هزار دیناران ژ جووتیاران دكریت.