ئەڤرۆ چارشەمبی 11ی گۆلانا 2022 ێ” مەسرور بارزانی، سەرۆکێ حکومەتا هەرێما کوردستانێ، پێشوازی ل شانده‌كێ هێزێن هه‌ڤپەیمانان کر” ب سەرۆکاتییا کۆلۆنێل تۆد بۆرۆس، جێگرێ رێڤه‌به‌رێ تیمێ شیره‌تکارێن سەربازی یێن هه‌ڤپەیمانان ل ھەرێما کوردستانێ، كو ب هه‌لكه‌فتا دووماهی ئینانا ئەرکێن خوه سەره‌دانا وی کربوو.
د وێ دیدارێ دا گوتۆبێژ دەربارەیی چاکسازیێن وەزارەتا پێشمەرگەیی و گرنگییا پشته‌ڤانییا پێشمەرگەیی بۆ به‌رهنگاربوونا هێرشێن داعشێ هاته کرن و دووپاتی ل پێدڤییا گرنگیدانێ ب هەماهەنگییا دناڤبه‌را سوپایێ عیراقێ و هێزا پێشمەرگەیی هاته کرن ژ پێخه‌مه‌‌ت ئارامبوونا وێ ده‌ڤه‌رێ .
سەرۆکێ حکومەتێ سه‌ره‌رایی سوپاسکرنا پشته‌ڤانییا بەردەوام یا هه‌ڤپەیمانان، هیڤییا سەرکەفتنێ بۆ کۆلۆنێل بۆرۆس خواست د ئەرکێن وی یێن داهاتیدا.
